Sérstök athygli félaga er vakin - Vegna dóms um orlof af yfirvinnu
Þjónusta við félagsfólk
Aðalfundur 29. apríl sl.
Einkatímar í lífeyrisráðgjöf
Umsögn SL vegna frumvarps til laga um sýslumann
Aðalfundur SL - 2025
Lífeyrismál á öllum aldri
Reiknivél BHM fyrir útselda vinnu
Lífeyrismál og starfslok með Birni Berg
Kjarasamningur Reykjavíkurborgar og Stéttarfélags lögfræðinga samþykktur
Kjarasamningur RVK og SL undirritaður
Jólakveðja og staða kjarasamninga.
Kjarasamningur við sveitarfélögin undirritaður
Aðgengilegir kjarasamningar
Stéttarfélag lögfræðinga gerir kjarasamninga fyrir hönd sinna félagsmanna. Þessir miðlægu samningar eru sá grunnur sem mögulegir stofnana- eða fyrirtækjasamningar byggja síðan ofan á, eftir því sem við á hjá hverjum vinnustað. Hér á vefnum eru nú aðgengilegir á rafrænan hátt allir samningar sem í gildi eru hjá félaginu.
Þjónusta skrifstofu félagsins
Stéttarfélag lögfræðinga veitir persónulega ráðgjöf í kjara- og réttindamálum, svo sem við gerð ráðningasamninga og við undirbúning launaviðtals. Við leggjum mikla áherslu á öfluga, einstaklingsmiðaða varðstöðu og ókeypis ráðgjöf ef vandamál koma upp á vinnustað. Í mörgum tilvikum útvegar félagið ókeypis lögfræðiþjónustu og kemur fram fyrir hönd einstaklinganna eigi þeir undir högg að sækja..
Margvíslegur ávinningur
Aðild að stéttarfélagi er ávísun á öryggi. Félagsfólk nýtir samtakamátt sinn til að knýja á um bestu mögulegu kjör sín og réttindi. Gott stéttarfélag veitir persónulega ráðgjöf og þjónustu, allt frá ráðningarsamningi til starfsloka. Það opnar einnig aðgengi að margskonar fríðindum og fjárhagslegum stuðningi og er traustur bakhjarl þegar á þarf að halda.
Stéttarfélag lögfræðinga er eitt þessara félaga. Það grundvallar þjónustu sína á styrkum stoðum langrar sögu og sækir sér aukið afl með því að starfa undir merkjum BHM og vera þannig hluti af stórri og öflugri heild.
- Betri kjör
Stéttarfélag lögfræðinga gerir samninga við allskonar mismunandi aðila, ríkisvaldið, sveitarfélög, stofnanir og einkafyrirtæki fyrir hönd félaga sinna. Markmiðið er ávallt að hámarka ávinning til lengri tíma.
- Persónuleg þjónusta
Stéttarfélag lögfræðinga veitir einstaklingsmiðaða ráðgjöf við gerð ráðningarsamninga, undirbúning launaviðtala o.s.frv. Félagið er einnig öflugur bakhjarl einstaklinga í ágreiningsmálum og réttindabaráttu.
- Fjölbreyttir styrkir
Aðild að félaginu opnar á fjárhagslega aðstoð vegna heilbrigðisþjónustu eða langvarandi fjarveru frá vinnu vegna veikinda. Sjúkra- og styrktarsjóðir greiða fyrir sérfræðiráðgjöf og útlagðan kostnað.
- Ókeypis fræðsla og námskeið
Stéttarfélag lögfræðinga veitir félagsfólki sínu aðgang án endurgjalds að alls kyns fræðslu, fyrirlestrum og námsefni sem jafnt getur nýst í leik og starfi. Oft er efnið rafrænt og hægt að lesa, horfa og hlusta við hentugleika.
- Bakhjarl símenntunar
Örar breytingar á vinnuumhverfi og verkefnum gera símenntun stöðugt mikilvægari, fyrir starfsánægju, öryggi og umbun. Félagið opnar aðgang að öflugum sjóðum sem veita verðmæta styrki.
- Betri frídagar!
Með aðild að Orlofssjóði BHM býður félagið aðgang að spennandi orlofskostum auk afsláttarkjara á flugi og margvíslegri frítengdri afþreyingu.
Hjalti Einarsson, sviðstjóri kjaramálaVið leggjum áherslu á að stéttarfélagið veiti ávallt einstaklingsmiðaða ráðgjöf
Styrkir sem geta breytt öllu
Með aðild að félaginu opnast möguleikar á margvíslegum styrkjum. Þar skiptir þátttaka félagsins í BHM miklu máli. Veitt er fjárhagsleg aðstoð vegna heilbrigðisþjónustu eða langvarandi fjarveru frá vinnu vegna veikinda. Sjúkra- og styrktarsjóðir greiða einnig fyrir margs konar sérfræðiráðgjöf og útlagðan kostnað og veita t.d. gleraugnastyrki, fæðingarstyrki, dánarbætur o.m.fl.
Starfsendurhæfing
VIRK Starfsendurhæfingarsjóður eflir starfsgetu einstaklinga með heilsubrest sem stefna að aukinni þátttöku á vinnumarkaði. Starfsendurhæfing samhliða vinnu gæti komið til greina fyrir starfsmenn sem eiga erfitt með að skila vinnu sinni á fullnægjandi hátt vegna heilsubrests. Oft er vinnustaðurinn þegar búinn að koma til móts við starfsmanninn með aðlögunum sem hafa þó ekki náð að breyta starfsgetu starfsmannsins. Þá væri kannski gott að skoða starfsendurhæfingu samhliða vinnu.
